Sut i lanlwytho eich llofnod

1. Llofnodwch eich enw mewn inc du ar bapur gwyn plaen

Camau ar gyfer llofnodi

1. Llofnodwch eich enw mewn inc du ar bapur gwyn plaen.

   Peidiwch â defnyddio:

   • inciau lliw
   • papur lliw
   • papur wedi plygu
   • papur gyda llinellau, sgwariau neu batrymau
2. Gwnewch yn siŵr bod eich llofnod yn edrych fel eich llofnod arferol.
3. Gwnewch yn siŵr bod eich llofnod i gyd ar y papur.

2. Creu llun o’ch llofnod

Camau os ydych yn defnyddio ffôn neu gamera

1. Dewch o hyd i ardal sydd wedi’i goleuo’n dda fel na fydd unrhyw gysgodion yn y llun.
2. Daliwch eich ffôn neu gamera uwchben eich llofnod fel bod y llofnod cyfan i’w weld.
3. Chwyddwch i mewn (os oes angen) er mwyn cael gwared ar unrhyw beth yn y cefndir, er enghraifft eich desg.
4. Tynnwch eich llun a chadarnhau ei fod yn bodloni’r gofynion.

Camau os ydych chi’n sganio’ch llofnod ar eich cyfrifiadur neu liniadur

1. Cymerwch sgan o’ch llofnod.
2. Gwnewch yn siŵr bod y llun yn bodloni’r gofynion isod.

3. Gwirio bod y llun o’ch llofnod yn bodloni’r gofynion

Dylai eich llun fodloni’r gofynion canlynol:

• mewn ffocws
• ni ddylai gynnwys olion na chysgodion
• ni ddylai fod unrhyw beth i’w weld o gwmpas yr ymylon, er enghraifft, eich desg
• y ffordd gywir i fyny
• ni ddylai fod yn fwy nag 20MB

Gallai eich cais gael ei wrthod os na fydd eich llofnod yn bodloni’r gofynion.

4. Cadw neu drosglwyddo llun i’r ddyfais rydych yn gwneud cais arni

Dylech ei gadw yn rhywle y mae’n hawdd ei lanlwytho.

5. Lanlwytho eich llun o fewn y gwasanaeth

Pan fyddwch yn cyrraedd y sgrin ‘Lanlwytho eich llofnod’:

1. ‘Dylech lusgo a gollwng’ eich llun i’r blwch neu glicio ar ‘Dewis ffeil i’w lanlwytho’ a’i ddewis o’ch dyfais.
2. Dewiswch ‘Parhau’ Dylech weld llun o’ch llofnod. Gwnewch yn siŵr ei fod yn bodloni’r gofynion.
3. Cyflwynwch eich llun neu gallwch ganslo a lanlwytho un arall os nad yw’n iawn.

Ar ôl ei lanlwytho, caiff eich llofnod ei gadw’n ddiogel.

Os na allwch lanlwytho llun, gallwch lawrlwytho, argraffu a llenwi ffurflen gais pleidleisio drwy ddirprwy. Anfonwch hi i’ch swyddfa cofrestru etholiadol.